Интернет-дүкеннің жария оферта шарты

Интернет-дүкен / мен бұдан әрі «Сатып алушы» деп аталатын интернет-дүкен қызметтерін пайдаланушы арасындағы осы шарт интернет-дүкен сайты / арқылы тауарларды сатып алу талаптарын айқындайды. Осы шарт – оферта 2020 жылғы 01 қаңтардан бастап қолданылады.

1.1. «Жария оферта» (бұдан әрі – «Оферта») - Сатушының белгісіз тұлғалар тобына бағытталған, осы Офертада, барлық Қосымшаларды қоса алғанда, қамтылған талаптарда Сатушымен тауарды қашықтан сату тәсілімен сатып алу-сату шартын (бұдан әрі - «Шарт») жасасу туралы жария ұсынысы.

1.2. «Сатушы» - сатушының деректері «Байланыс» бөлімінде көрсетілген

1.3. «Сатып алушы» - оферта талаптарын толық көлемде және ерекшеліксіз қабылдаған (осы офертаны акцептеген) және төменде көрсетілген талаптарда Интернет-дүкенде тапсырыс орналастырған кез келген жеке немесе заңды тұлға.

1.4. «Тіркелген сатып алушы» - сайтта тіркелу арқылы Сатушыға өзінің дербес деректерін ұсынған Сатып алушы; бұл деректерді Сатушы Сатып алушының Тапсырысын рәсімдеу үшін пайдалана алады.

1.5. «Сайт»  - /

1.6. «Интернет-дүкен» - сайтта орналастырылған матрастарды, көрпелерді, жастықтарды, ақжаймаларды, сондай-ақ жатын бөлме жиһазын және өзге де ілеспе аксессуарларды сатуға арналған интернет-дүкен.

1.7. «Тауар» - Интернет-дүкеннің тиісті бөлімінде орналастыру арқылы сатуға ұсынылған сатып алу-сату объектісі.

1.8. «Тапсырыс» - Сатып алушының Интернет-дүкенде таңдаған тауарларын сатып алуға Интернет-дүкенде рәсімдеген және Сатушыға Интернет желісі арқылы (Сайтта орналастырылған электрондық нысан) берілген және/немесе Сатып алушы телефон арқылы рәсімдеген сұранымы.

1.9. «Тасымалдаушы» - Сатып алушы тапсырыс берген Тауарларды жөнелту пунктінен межелі пунктке жеткізу қызметтерін көрсететін және тауарды Сатып алушыға беретін бөгде ұйым немесе дара кәсіпкер. Тасымалдаушымен тасымалдау шартын Сатып алушы дербес не Сатып алушының тапсырмасы бойынша Сатушы жасасады.

 

Осы офертаның мақсаттары үшін жекеше түрдегі терминдер мен анықтамалар көпше түрдегі терминдер мен анықтамаларға да қатысты және керісінше.

2.1.«Алматинская Матрасная Фабрика» ЖШС Қазақстан Республикасының Азаматтық кодексіне (бұдан әрі - ҚР АК) сәйкес жеке және заңды тұлғаларға арналған жария шарт - оферта (ұсыныс) болып табылатын осы сатып алу-сату шартын жариялайды.

2.2.Осы жария оферта (бұдан әрі «Оферта» деп аталады) «Алматинская Матрасная Фабрика» ЖШС мен Офертаны акцептеген тұлға арасындағы шарттың барлық елеулі талаптарын айқындайды.

2.3. Осы шарт Сатып алушы мен интернет - дүкен арасында тапсырысты рәсімдеу сәтінде жасалады.

2.4. Офертаны Қазақстан Республикасының аумағында «Алматинская Матрасная Фабрика» ЖШС / сайтында орналасқан интернет-дүкен арқылы өткізетін/ұсынатын тауарды және/немесе қызметтерді сатып алу ниеті бар кез келген жеке немесе заңды тұлға акцептей (қабылдай) алады.

2.5.  Сатып алушы офертада қамтылған барлық талаптарды тұтастай (яғни толық көлемде және ерекшеліксіз) сөзсіз қабылдайды.

2.6.  Осы шарттың талаптары (яғни интернет-дүкеннің жария офертасы) қабылданған жағдайда, оферта акцептін жасайтын жеке немесе заңды тұлға Сатып алушыға айналады. Осы келісімде белгіленген мөлшерде және талаптарда тапсырысқа ақы төлеу фактісі акцепт болып табылады.

2.7. Оферта, оған барлық қосымшалар, сондай-ақ «Алматинская Матрасная Фабрика» ЖШС тауарлары/қызметтері туралы барлық ақпарат / сайтында жарияланған

3.1. Интернет-дүкен «Алматинская Матрасная Фабрика» ЖШС меншігі болып табылады және интернет желісі арқылы тауарларды қашықтан сату тәсілін ұйымдастыруға арналған.

3.2. Интернет-дүкен Сатып алушыдан тауарды қарау, есептеу және тапсырысты рәсімдеу үшін интернет - дүкен ресурсын пайдалану мақсатында тіркелу немесе интернет-дүкен ресурсын пайдалану шартын жасасу сияқты арнайы әрекеттерді талап етпейді.

3.3. Интернет-дүкен Сатып алушы тапсырысты рәсімдеу кезінде ұсынған ақпараттың мазмұны мен дұрыстығы үшін жауапты болмайды.

3.4. Интернет-дүкен және ұсынылатын сервистер профилактикалық немесе өзге де жұмыстардың жүргізілуіне байланысты немесе техникалық сипаттағы кез келген басқа себептермен уақытша ішінара немесе толық қолжетімсіз болуы мүмкін. Сатушының техникалық қызметі қажетті профилактикалық немесе өзге де жұмыстарды Сатып алушыларға алдын ала хабарлай отырып немесе хабарламай мерзімді түрде жүргізуге құқылы.

3.5. Сатып алушы тарапынан сұрақтар мен наразылықтар туындаған жағдайда, ол Сатушыға телефон арқылы немесе өзге де қолжетімді тәсілмен жүгінуі тиіс. Туындайтын барлық дауларды тараптар келіссөздер жолымен шешуге тырысады, келісімге қол жеткізілмеген жағдайда дау ҚР қолданыстағы заңнамасына сәйкес сот органының қарауына беріледі.

3.6. Соттың осы Келісімнің қандай да бір ережесін жарамсыз деп тануы қалған ережелердің жарамсыздығына әкеп соқпайды.

4.1. Сатып алушы тапсырысты рәсімдеу кезінде ұсынылған ақпараттың дұрыстығы және оның үшінші тұлғалардың талаптарынан таза болуы үшін жауапты болады.

4.2. Сатып алушы тапсырысты рәсімдеу кезінде «Мен оферта шартының талаптарын қабылдаймын» бағанына белгі қою арқылы осы Шартта белгіленген талаптармен келісетінін растайды. Шарт жасалғанға дейін Шарттың талаптарын Сатып алушы толық оқып шықты, Шарттың барлық талаптары түсінікті, Шарттың барлық талаптарымен Сатып алушы келіседі.

4.3. Тауарды қарау және таңдау, сондай-ақ тапсырысты рәсімдеу үшін интернет - дүкен ресурсын пайдалану Сатып алушы үшін өтеусіз болып табылады.

4.4. Тауарды Сатып алушы тек кәсіпкерлік қызметті жүзеге асыруға байланысты емес жеке, отбасылық, үй тұрмысы қажеттіліктері үшін сатып алады.

5.1.  Сатушы Сатып алушының тапсырыстары негізінде және алдын ала төлем негізінде Сатып алушыға тауарды Сатушы офертада және оған қосымшаларда белгілеген талаптарға сәйкес және бағалар бойынша сатады.

5.2. Сатып алушы тапсырыс берген және төлеген тауарларды жеткізуді Сатушы немесе Тасымалдаушы жүзеге асырады. Сатып алушы тауарды Сатушының қоймасынан өз бетінше алып кетуге құқылы (өзі әкету). Тапсырысты рәсімдеу кезінде Сатып алушыға жеткізу тәсілін таңдау құқығы беріледі.

5.3.  Сатып алушы мен Сатушы арасындағы қатынастарға ҚР АК-нің бөлшек сатып алу-сату туралы ережелері, «Тұтынушылардың құқықтарын қорғау туралы» ҚР Заңы, сондай-ақ соларға сәйкес қабылданған өзге де нормативтік құқықтық актілер қолданылады.

5.4.  Жеке немесе заңды тұлға тауарға ақы төлеу есебіне ақшалай қаражат Сатушының есеп айырысу шотына түскен сәттен бастап (қолма-қол ақшасыз төлем жағдайында), не тауарға ақы төлеу есебіне ақшалай қаражат Төлем жүйесі Операторының есеп айырысу шотына түскен сәттен бастап (төлем жүйелері арқылы төлеу жағдайында), не офертаның 10-бөлімінде көзделген тәртіппен және Сатушы офертаға қосымшаларда белгілеген талаптарда ақшалай қаражатты Сатушының кассасына енгізген сәттен бастап офертаның және оған қосымшалардың барлық талаптарын толық көлемде және ерекшеліксіз қабылдаған (оферта акцепті) болып есептеледі. Оферта жоғарыда көрсетілген тәсілдердің бірімен акцептелген жағдайда, жеке тұлға Сатушымен тапсырыс берілген тауарларды сатып алу-сату шартын жасасқан болып есептеледі және Сатып алушы мәртебесіне ие болады.

5.5. Сатып алушы - офертаның 4.4-т. сәйкес оферта талаптарын толық көлемде және ерекшеліксіз қабылдаған (оферта акцептін жасаған) жеке немесе заңды тұлға.

5.6. Шарттың орындалу орны - тауар Сатып алушыға Сатушының күшімен жеткізілетін, Сатып алушы көрсеткен орын (мекенжай), немесе Сатып алушы тауарды Сатушының күшімен жеткізуден бас тартқан жағдайда (өзі әкету) - Сатушының дүкен-салоны немесе қоймасы, немесе тауарды Тасымалдаушы жеткізген жағдайда - Сатып алушы шарт жасасқан тасымалдаушының аумағы.

5.7. Өкіл - шарттың жасалғанын куәландыратын түбіртекті немесе өзге де құжатты ұсынған жеке тұлға. Заңды тұлғаның өкілі жоғарыда көрсетілген құжаттардан басқа тауарды алуға сенімхатты және паспортты ұсынуға міндетті.

5.8. Тасымалдаушы - тасымалдау шарты бойынша жөнелтуші өзіне сеніп тапсырған тауарды жөнелту пунктінен межелі пунктке жеткізу, сондай-ақ тауарды алушыға беру міндетін өзіне қабылдаған заңды тұлға немесе дара кәсіпкер. Сатып алушы тауарды Сатушының күшімен жеткізуден бас тартқан жағдайда, тасымалдаушымен тасымалдау шартын Сатып алушы дербес жасасады.

6.1. Сатып алушы тапсырысты Сатып алу-сату шартының (интернет-дүкеннің жария офертасының) талаптарында интернет-дүкен сайтында өз бетінше, не сайтта көрсетілген телефондар бойынша менеджер арқылы рәсімдей алады.

6.2. Интернет-дүкенде тапсырысты рәсімдеу кезінде Сатып алушы өзі туралы мынадай ақпаратты ұсынуға міндетті:

- Тауарды Сатып алушының Т.А.Ә. (жеке тұлғалар үшін) немесе толық атауы, БСН (заңды тұлғалар үшін); - Тауарды жеткізу мекенжайы; - Тауарды Сатып алушының байланыс телефоны мен электрондық поштасы.

6.3. Сатып алушының ерік білдіруі оның интернет-дүкендегі тапсырыс нысанына тиісті деректерді енгізуі не интернет-дүкен менеджері арқылы немесе e-mail арқылы өтінім беруі арқылы жүзеге асырылады.

6.4. Интернет-дүкен Сатып алушы туралы ақпаратты редакцияламайды.

6.5. Сатып алу-сату шартының қағаз данасын алу үшін Сатып алушы сайтта көрсетілген электрондық пошта немесе телефон арқылы өтінім жібереді.

7.ТАУАР ТУРАЛЫ АҚПАРАТ

7.1. Тауар сайтта интернет-дүкеннің меншігі болып табылатын фото-үлгілер арқылы ұсынылған.

7.2. Әрбір фото-үлгі мәтіндік ақпаратпен қоса беріледі: тауардың атауы, өлшем қатары (қажет болған жағдайда), бағасы және сипаттамасы.

7.3. Интернет -дүкенде ұсынылған барлық ақпараттық материалдар анықтамалық сипатта болады. Сатып алушыда тауардың қасиеттері мен сипаттамаларына қатысты сұрақтар туындаған жағдайда, Сатып алушы тапсырысты рәсімдеу алдында сайтта көрсетілген телефондар арқылы Сатушыға жүгінуі тиіс.

7.4. Сатып алушының өтініші бойынша интернет-дүкен менеджері (телефон арқылы немесе электрондық пошта арқылы) Сатып алушының тұрғысынан оның тауарды сатып алу туралы шешім қабылдауы үшін қажетті және жеткілікті өзге де ақпаратты ұсынуға міндетті.

7.5.  Сатып алушы тауардың кемшіліктеріне (ақауларына) байланысты белгіленген жеңілдікпен тауарды сатып ала отырып, кейіннен оларға сілтеме жасау құқығынан айырылатыны туралы хабардар етілген.

7.6.  Сатып алушыға Сатушы шотта жеке позициялармен көрсетілген тауар кез келген жағдайда жиынтық болып табылмайтыны туралы хабарлаған.

8.1. Сатып алушы интернет-дүкенде ұсынылған кез келген тауарға тапсырыс рәсімдеуге құқылы. Әрбір тауарға кез келген мөлшерде тапсырыс беруге болады. Аталған қағидадан ерекшеліктер акциялар өткізілген, тауар сатудан алынған және т.б. жағдайларда әрбір тауардың сипаттамасында көрсетіледі.

8.2. Тапсырысты Сатып алушы сайтта көрсетілген телефондар арқылы рәсімдей алады немесе сайтта өз бетінше рәсімдей алады. Сайт арқылы тапсырысты рәсімдеу егжей-тегжейлері «Сатып алушыларға», одан кейін «Тапсырысты қалай рәсімдеу керек» бөлімінде сипатталған.

8.3. Тапсырыс рәсімделгеннен кейін Сатып алушының e-mail мекенжайына тапсырыстың қабылданғаны туралы растау және таңдалған тауардың атауы, өлшемі, бағасы мен тапсырыстың жалпы сомасы көрсетілген, осы шарттың ажырамас бөлігі болып табылатын шот жіберіледі. Сатып алушының шотты (толық немесе ішінара) төлеуі Сатып алушының тапсырыстың дұрыс рәсімделгенін растауы болып табылады.

8.4. Тауар қоймада болмаған жағдайда интернет-дүкен менеджері бұл туралы Сатып алушыға хабарлауға міндетті (телефон арқылы немесе электрондық пошта арқылы).

8.5. Сатып алушы қоймада уақытша жоқ тауарға алдын ала тапсырыс беруге құқылы.

8.6. Тауар болмаған жағдайда Сатып алушы оны басқа тауармен ауыстыруға не тапсырысты жоюға құқылы.

8.7. Тауарды жеткізу мерзімі Сатушының сайтында «Дайындау мерзімдері»-«Төлем және жеткізу» бөлімдерінде көрсетіледі және Сатушы ұсынған талаптарда тауарды сатып алу ниеті туралы Сатып алушының хабарламасын Сатушы алғаннан кейінгі келесі күні есептеле бастайды.

9.1. Интернет-дүкендегі тауардың бағасы тауар бірлігі үшін теңгемен көрсетілген. Тауардың бағасына тауарды Сатып алушыға дейін жеткізу құны және Сатушының өзге де қызметтері кірмейді.

9.2. Сайтта көрсетілген тауар бағасын интернет-дүкен біржақты тәртіппен өзгерте алады, бұл ретте Сатып алушы төлеген тауардың бағасы өзгертілуге жатпайды.

9.3. Интернет-дүкенде тауарды сатып алу кезінде Сатушының Сатып алушыға ұсынатын қызметтерінің құны «Төлем және жеткізу» бөлімінде көрсетілген.

10.1. Тауарға ақы төлеу тәсілдері мен тәртібі сайтта «Төлем және жеткізу» бөлімінде көрсетілген. Қажет болған жағдайда тапсырыс берілген тауарға ақы төлеу тәртібі мен талаптарын Сатып алушы интернет-дүкен менеджерімен келіседі.

10.2. Қолма-қол ақшасыз есеп айырысу арқылы төлем рәсімделген шотқа сәйкес шот алынған сәттен бастап үш банктік күн ішінде жүргізіледі. Ақшалай қаражат Сатушының шотына түскеннен кейін интернет-дүкен менеджері Сатып алушымен жеткізу мерзімін келіседі. Қолма-қол ақшасыз төлем нысаны кезінде Сатып алушының тауар бағасын төлеу жөніндегі міндеті тиісті ақшалай қаражат Сатушы көрсеткен есеп айырысу шотына есептелген сәттен бастап орындалған болып есептеледі.

10.3. Сатып алушы тапсырысқа интернет-дүкенде таңдалған кез келген тәсілмен ақы төлейді. Тауарға ақы төлеу (толық немесе ішінара) кассаға жүргізілуі мүмкін - «Алматинская Матрасная Фабрика» ЖШС.

10.4.  Тапсырысқа ақы төлеу кезінде Тараптардың есеп айырысуы теңгемен жүзеге асырылады.

11.1. Тауарды жеткізу тәсілдері, тәртібі мен мерзімдері сайтта «Төлем және жеткізу» бөлімінде көрсетілген. Тапсырыс берілген тауарды жеткізу тәртібі мен талаптарын Сатып алушы интернет-дүкен менеджерімен келіседі.

• Сатушы орналастырылған тапсырыс туралы хабарлама алып, оның алынғанын Сатып алушының телефоны немесе e-mail арқылы растайды және онымен тауарды өзі әкету күнін келіседі.

• Сатып алушы тапсырысқа ақы төлейді (қолма-қол төлем нысаны кезінде) және оны Сатушы қоймасының орналасқан жері бойынша алады. Қоймалардың мекенжайлары, байланыс деректері мен жұмыс режимі Сатушының сайтында «Қайдан сатып алуға болады» бөлімінде көрсетілген. Қолма-қол ақшасыз төлем нысаны кезінде Сатушы қосымша Сатып алушының телефоны немесе e-mail арқылы тапсырыс төлемінің Сатушының есеп айырысу шотына есептелу фактісін растайды және тек осыдан кейін ғана Сатып алушымен тауарды өзі әкету күні келісіледі.

• Меншік құқығы және тауардың кездейсоқ жойылу, жоғалу немесе бүліну тәуекелі тауар Сатып алушыға немесе оның Өкіліне берілген сәттен бастап Сатып алушыға ауысады.

• Меншік құқығының ауысуы және тауардың кездейсоқ жойылу, жоғалу немесе бүліну тәуекелі тауар Сатып алушыға немесе Өкілге берілген сәттен бастап Сатып алушыға өтеді.

• Жеткізу жалпыға қолжетімді тәсілмен –кіреберіс есік арқылы жүзеге асырылады. Тауарды терезелер, балкондар немесе есік ойықтарынан басқа өзге де ойықтар арқылы жеткізу жүзеге асырылмайды. Тауарды үй-жайға көтеру және кіргізу бұрандалы баспалдақтар, таянышы жоқ баспалдақтар арқылы жүзеге асырылмайды.

• Есіктерді шешу, кіреберіс өтпелерді босату, Сатып алушының бар жиһазы мен интерьердің басқа заттарын жылжыту, құрастыру/бөлшектеу жөніндегі жұмыстар (қызметтер), сатып алынған Тауарды құрастыру үшін аумақты босату және өзге де осыған ұқсас жұмыстар осы Шартта көзделмеген.

• Сатып алушы ақы төлемеген және тапсырыс бермеген жұмыстар (қызметтер) орындалмайды (көрсетілмейді).

• Сатып алушы Тауарды қабылдау үшін тиісті жағдайларды қамтамасыз етеді, оның ішінде:

a. Шарттың орындалу орнында жеке өзінің не Өкілдің қатысуын қамтамасыз ету.

b. Тауар Сатып алушының кіреберісіне дейін тек жүк автокөлігі үшін бос кіреберіс жолдары болған (өту габариттері: ені 2,5 метр, ұзындығы 8 метр, биіктігі 3 метр) және үйде нөмірлеу болған жағдайда ғана жеткізіледі. Жүк автокөлігінің күзетілетін аумаққа өтуін (кіруін) Сатып алушы күзет қызметімен алдын ала келісуі тиіс. Тауарды түсіру орны кіреберіске (үйге кіру) дейін 15 метрден алыс болмауы тиіс.

c. Есік ойықтары өлшемінің Тауар габариттеріне сәйкестігін қамтамасыз ету (үй-жайдағы кіреберіс және бөлмеаралық есіктер ойықтарының ені –кемінде 75 см, биіктігі кемінде 190 см болуы тиіс).

d. Тауарды орналастыру орнына дейін бос және габариттері бойынша жеткілікті өтуді қамтамасыз ету (үй-жай ішіндегі өтудің бос ені 105 см-ден кем болмауы тиіс). Тауарды тасымалдауға кедергі келтіретін заттарды жеткізу алдында алып тастау қажет.

e. Тауарды жеткізу мүмкіндігін анықтау үшін үй-жайдың техникалық сипаттамаларының сәйкессіздігі туралы шарт жасалғанға дейін сатушыға хабарлау қажет.

f. Жеткізілген тауарды құрастыру және орнату үшін қажетті аумақты алдын ала босату.

• Жоғарыда баяндалған қажетті жағдайлар болмаған кезде, Сатушы Сатып алушы көрсеткен мекенжай бойынша Тауарды тиеп-жөнелтудің мүмкін еместігі туралы шешім қабылдауға құқылы, бұл туралы сатып алушыға хабарлайды.

• Сатып алушы тауарды тиісінше қабылдауды қамтамасыз етпеген жағдайда, қайта жеткізу (Сатып алушының кінәсінен жүзеге асырылатын) тараптар келіскен мерзімде Сатып алушының есебінен Сатушының тарифтеріне сәйкес алдын ала төлем талаптарында жүргізіледі.

• Меншік құқығы және тауардың кездейсоқ жойылу, жоғалу немесе бүліну тәуекелі Тараптар тауар жүкқұжатына және/немесе көлік жүкқұжатына және/немесе тауар-көлік жүкқұжатына немесе тауардың Тасымалдаушыға берілгенін куәландыратын өзге де құжатқа қол қойған кезде, тауар Тасымалдаушыға берілген сәттен бастап Сатушыдан Сатып алушыға немесе Тасымалдаушыға (Сатып алушы мен Тасымалдаушы арасында жасалған шартқа сәйкес) ауысады.

• Тауарды Сатып алушыға беру жөніндегі міндеттеме, оның ішінде 11.4.1-т., тауар Тасымалдаушыға берілген сәттен бастап орындалған болып есептеледі.

• Әрбір тапсырыс шеңберінде тауарды жеткізу құны тапсырыс берілген барлық тауарлардың салмағын, тапсырысты жеткізу мекенжайын, тасымалдаушының бағаларын негізге ала отырып есептеледі және оны Сатып алушы Тасымалдаушыға дербес төлейді. Жеткізу құны тауар бағасына кірмейді.

11.5. Сатып алушы тауарды қабылдау сәтінде оны саны мен ассортименті бойынша қабылдауға міндетті.

11.6. Тауарды алу кезінде Сатып алушы немесе Өкіл Сатушы немесе Тасымалдаушы өкілінің қатысуымен алынған тауардың атауы, саны, ассортименті, сапасы, жиынтықтылығы бойынша тапсырыс берілген тауарға сәйкестігін тексеруі тиіс.

11.7. Сатып алушы немесе Өкіл тауарды қабылдау кезінде тауарды алу туралы құжатқа қол қою арқылы тауардың сыртқы түрі мен жиынтықтылығына наразылығы жоқ екенін растайды.

12.1. Тауарға кепілдік мерзімін өндіруші белгілейді. Кепілдік мерзімі тауардың заттаңбасында көрсетіледі. Қосымша кепілдік міндеттемелері сайтта «Кепілдік міндеттемелері» бөлімінде және осы шартқа қосымшаларда көрсетілген.

12.2. Егер осы шартқа Қосымшада өзгеше көрсетілмесе, кепілдік мерзімі аксессуарларға (матрас қаптары, жастықтар, тыстар, көрпелер, төсек-орын жабдықтары және т.б.) және фурнитураға қолданылмайды.

12.3. Кепілдік мерзімі мына себептердің нәтижесінде туындаған зақымдары бар тауарға қолданылмайды:

• Сатып алушының пайдалану қағидаларын және/немесе тауарды күтіп ұстау жөніндегі ұсынымдарды бұзуы,

• тауарды мақсатына сай пайдаланбау,

• тауарды зақымдауға немесе жоюға бағытталған әрекеттер, еңсерілмейтін күш әрекеттері,

• сондай-ақ механикалық зақымдары, өз бетінше жөндеу немесе конструкцияны өзгерту іздері бар тауарға.

13.1. Сатып алушы тауардан ол берілгенге дейін кез келген уақытта, ал тауар берілгеннен кейін - жеті күн ішінде, «Тұтынушылардың құқықтарын қорғау туралы» Заңда көзделген тәртіппен және талаптарда бас тартуға құқылы.

13.2. Тиісті сапалы тауарды қайтару оның тауарлық түрі (қаптамасы), тұтынушылық қасиеттері, сондай-ақ аталған тауарды сатып алу фактісі мен талаптарын растайтын құжат сақталған жағдайда мүмкін болады. Сатып алушыда аталған құжаттың болмауы оны осы сатушыдан тауарды сатып алғанының басқа дәлелдемелеріне сілтеме жасау мүмкіндігінен айырмайды.

13.3. Егер аталған тауарды тек оны сатып алатын Сатып алушы ғана пайдалана алатын болса (оның ішінде стандартты емес (Сатып алушының қалауы бойынша) өлшемдер, мата және т.б.), Сатып алушы жеке-дара айқындалған қасиеттері бар тиісті сапалы тауардан бас тартуға құқылы емес. Заттың жеке-дара айқындалған қасиеттері бар екенінің растамасы, оның ішінде, бірақ онымен шектелмей, тауар өлшемдерінің интернет-дүкенде көрсетілген өлшемдерден өзгеше болуы болып табылады. Кровать сатып алған кезде кровать Сатып алушының жеке тапсырысы бойынша дайындалады (мата, фурнитура (бар болса) және жеке-дара айқындалған қасиеттері бар тауар болып табылады.

13.4. Заңда және осы Шартта көзделген жағдайларда тауарды қайтару сайтта «Қайдан сатып алуға болады» бөлімінде көрсетілген мекенжайлар бойынша жүргізіледі.

13.5. Сатып алушы тиісті сапалы тауардан бас тартқан кезде Сатушы оған шартқа сәйкес төленген соманы, Сатушының қайтарылған тауарды Сатып алушыдан жеткізуге жұмсаған шығыстарын қоспағанда, Сатып алушы тиісті талапты қойған күннен бастап 10 күннен кешіктірмей қайтарады.

13.6. Егер соманы қайтару тауарды қайтарумен бір мезгілде жүзеге асырылмаса, аталған соманы қайтаруды Сатушы Сатып алушының банктік шотына аудару арқылы жүзеге асырады.

13.7. Осы тармақта көрсетілген ақшалай қаражатты қайтару тәсілін Сатушы осы шартта және ҚР заңнамасында көзделген ақшалай қаражатты қайтарудың өзге де жағдайларында да пайдалана алады.

14.1. Сатып алушы мен Сатушы арасындағы қатынастарға Қазақстан Республикасының заңнамасы қолданылады.

14.2. Қажет болған жағдайда Сатушы мен Сатып алушы кез келген уақытта тауарды сатып алу-сату шартын осы офертаның ережелеріне қайшы келмейтін жазбаша екіжақты келісім нысанында рәсімдеуге құқылы.

14.3.Сатып алушы тарапынан сұрақтар мен наразылықтар туындаған жағдайда, ол Клиенттерге қызмет көрсету орталығына мына телефон арқылы: +7 (727) 347 07 61 немесе e-mail арқылы:  info@mir-matrasov.kz жүгінуі тиіс

14.4. Осы шарт Сатып алушы осы офертаны акцептеген күннен бастап күшіне енеді және Тараптар міндеттемелерін толық орындағанға дейін қолданылады.

14.5. Интернет-дүкен сайттағы тауар ұсынысын кеңейту және қысқарту, кез келген тауарларды сатып алуға қолжетімділікті реттеу, сондай-ақ өз қалауы бойынша кез келген тауарларды сатуды тоқтата тұру немесе тоқтату құқығын өзінде қалдырады.

«Алматинская Матрасная Фабрика» ЖШС

Заңды мекенжайы: г.Каскелен, ул.Алимкулова, 6

Нақты мекенжайы: улица Мустай Карим 1Б

БСН:160340016890

Email: info@mir-matrasov.kz