Екі адамға арналған матрастың оңтайлы өлшемі қандай?

Матрастар сан алуан өлшемде шығарылады, өйткені өндірісте бірыңғай стандарт жоқ. Оларды кез келген өлшемге тапсырыспен жасатуға да, ең көп таралған нұсқалардың бірін сатып алуға да болады. Бұйымның оңтайлы өлшемін таңдау – өте маңызды іс, себебі оған екі адамның жайлылығы байланысты. Жарамсыз матрасқа ақша шығындап алмас үшін барлық қажетті параметрлерді бірден ескерген дұрыс.

Екі адамға арналған матрастар

Қос кісілік матрастарды әдетте ересектерге алады. Бір адамға арналған бұйымның оңтайлы ені 80-90 см болса, екі адам үшін бұл сандарды екіге көбейту керек екені түсінікті. Бұл жағдайда екі ересекке арналған матрастың ені 160-тан 180 см-ге дейін болады. 

Егер матрасты алып жатып, онда кім ұйықтайтынын алдын ала білсеңіз, адамдардың дене бітіміне қарап, соның негізінде матрастың енін таңдай аласыз. Ал әлі білмесеңіз, бірақ қос кісілік матрас алғыңыз келсе, енін қорымен алған жөн – ол қалай болғанда да артық болмайды. 

Екі ересекке арналған матрас өлшемдері жеке тапсырыспен де жасалады. Стандартты ұзындық – 190 немесе 200 см. Ені мен ұзындығы кереуеттің өлшеміне және адамның дене бітіміне қарай өзгеруі мүмкін. Мұндай жағдайда матрасты тапсырыспен жасату қажет болуы ықтимал. 

Екі адамға арналған матрастың оңтайлы өлшемін ұзындығына қосымша 15 см қосып таңдаған жөн. Бұл – жайсыз ұйқыдан сақтандыратын мамандардың ұсынысы.

Матрас таңдау

Егер бұл бұйымдарды жетік білмесеңіз, кеңес алу үшін матрас дүкеніне жүгінгеніңіз жөн. Дүкендер қолда бар модельдердің өлшемдері бойынша кеңес беріп, құрамы мен қаптау материалы сапалы матрасты тиімді бағамен таңдауға көмектеседі.