Матрас неше жыл қызмет етеді
Матрас қанша уақыт қызмет етеді? Нақты жауап жоқ. Қызмет мерзіміне бірқатар фактор әсер етеді. Қолдану шарттарын, жиілігін, адамның дене бітімі мен ерекшеліктерін, матрасқа күн сайын түсетін ең жоғары жүктемені ескерген жөн. Тіпті бұйымның неше рет аударылғаны да мерзімге әсер етуі мүмкін. Үнемі бір жағында ұйықтасаңыз, ол өндіруші берген қасиеттерін тезірек жоғалтады.
Сондықтан матрастар дүкені ұсынатын ассортиментті зерттеп, бұйым ақталуы үшін оның мерзімін барынша қалай ұзартуға болатынын және ортопедиялық матрастың қанша қызмет ететінін білу үшін бірден мамандармен кеңескен дұрыс.
Жақсы матрас не үшін керек?
Дұрыс жабдықталған төсек орны – сапалы, толыққанды ұйқының, жайлылық пен босаңсудың кепілі. Соның арқасында адамның көңіл-күйі жақсарады: жүйкесі жұқармайды, алаңдамайды, жұмыстан, оқудан тыңайып демалады, ұйқысыздыққа тап болмайды және жалпы сапасыз ұйқыдан туындайтын иммунитеттің төмендеуінен, созылмалы аурулардан зардап шекпейді.
Матрас неше жыл қызмет етеді? Бірде-бір үлгі бастапқы сипаттамаларын жиырма жылдан артық сақтай алмайды. Ал ортопедтердің айтуынша, қолданудың ең ұзақ мерзімі – 10 жыл. Одан кейін серпімділік бәрібір біртіндеп жоғала бастайды да, бұйым адам денесін дұрыс қалыпта ұстай алмайтын болады. Бұл – ересектерге арналған үлгі туралы.
Балалар матрастары екі-үш есе аз қызмет етеді: олар жиірек ластанады, балалар бетінде секіреді, оның үстіне ағзасы дамып келеді — бойы, салмағы, дене бітімі өзгеріп, мүсін мәселелері пайда болса, матрасты дереу ауыстырып, лайықтысын таңдау қажет.
Қызмет мерзіміне не әсер етеді?
Бірінші жайт – бұйымның сапасы. Ең аз зауыттық ақаулардың өзі пайдалану мерзімін қысқартады. Сондықтан матрас сатып алмас бұрын бетінің, амортизациясының, толтырғышының сипаттамаларына көз жеткізу керек. Бұл тауарға үнемдемеген жөн, әйтпесе кейін омыртқа мен мойынның созылмалы ауруларына тап боласыз.
Матрастың қызмет мерзіміне әсер ететіндер:
- адамның салмағы;
- толтырғыш;
- пайдалану ерекшеліктері.
Алғашқы екі жайт түсінікті болса, ортопедиялық матрастарды қалай пайдалану керегін айқындап алған жөн. Бұйымды қорғаныш қабы немесе наматрасниксіз қолданса, өрескел тазалауға, шектен тыс жүктемеге ұшыратса, бұл қолдану мерзімін кем дегенде екі есе қысқартады.