Матрасты пайдалану ережелері

1.1.Сатып алушы Тауардың мақсаты туралы хабардар етілген, Тауарды пайдалану, тасымалдау және сақтау кезіндегі қауіпсіздік техникасы, еңбекті қорғау талаптары мен санитариялық-эпидемиологиялық нормалар туралы толық ақпаратқа ие. 

1.2.Матрасты тек мақсаты бойынша пайдалану керек. Матрас тұрғын үй-жайларда тек жатуға арналған. Матрас жиі отыруға, оның ішінде матрастың шетіне отыруға арналмаған.

1.3.Матрасқа негізгі күтім — оны желдету және бетіндегі шаңды шаңсорғышпен кетіру. Матрасты қағуға болмайды, себебі күрт механикалық әсер матрастың тұтастығын бұзуы мүмкін.

1.4.Матрас жабық, жылытылатын үй-жайда сақталады. Матрастарды сақтаудың оңтайлы температурасы +10°С-тан + 25°С-қа дейін, ал ылғалдылық 80%-дан аспауы тиіс. Сақтау кезінде конденсат түзілуіне әкелетін күрт температура ауытқулары болмауы керек. Сақтау шарттары өнімге ылғалдың, ашық күн сәулесінің және агрессивті орталардың әсер етуін болдырмауы тиіс. Матрас қатаң түрде көлденең қалыпта сақталады.

1.5.Матрасты жылыту аспаптарына тікелей жақын жерге орнатқанда, пайдалану кезінде олардың беті қызудан қорғалуы тиіс. Қызу температурасы +40°С-тан аспауы керек.

1.6.Матрасты пайдалану кезінде оған су және өзге сұйықтықтардың тиюін болдырмау қажет.  Дақтарды кетіру қажет болса, құрамында суы барынша аз тоқыма (кілем мен қаптама) тазалау құралдарын қолданған жөн. Матрасты үтік қолданбай, ашық ауада кептіріңіз.

1.7.Матрасты орамынан шығарған соң, пайдаланар алдында өндірістік иісті кетіру үшін бұйымды кең үй-жайда кемінде 10 күн желдету қажет. Бұл процесті жеделдету үшін матрасты шаңсорғышпен тазалаған жөн. Күндіз матрасты төсек-орын жабдықтарынан босатып қою ұсынылады. Барлық ережелер сақталғанда иістің қарқыны төмендейді, 14 күннен кейін ол ең аз деңгейге жетеді. Матрасты үнемі пайдаланғанда оны желдетіп, кептіріп тұру қажет. Бұл процедура айына кемінде 1 рет жүргізілуі тиіс.

1.8.Матрасты пайдалану кезінде оған тән дыбыстар (сыртыл, сықыр, сыбдыр) пайда болуы мүмкін. Бұл дыбыстар — табиғи құбылыс, ақау болып саналмайды (олар матрас құрамындағы табиғи компоненттердің басылуы барысында пайда болады) және матрасты пайдаланудың 30 күнінен кейін елеусіз деңгейге дейін азаяды.

1.9.Матрастың ұзақ қызмет етуіне ол пайдаланылатын бет әсер етеді. Матрас негізден салбырап тұрмауы керек; кереуеттің ішкі орнынан ұзындығы немесе ені бойынша іс жүзінде 1,5 см-ден артық үлкен матрасты пайдалануға тыйым салынады. Иіліп желімделген ламельдері бар икемді негіздер үшін бір жату орнына рұқсат етілген жүктемені сақтау қажет; матрасқа жүктеме ламельдер жоғары қарай дөңестеніп тұрған жерлерге түсуі тиіс. Матрасты тұтас, тегіс, көлденең бетте немесе серпімді ламельдері бар сапалы ортопедиялық негізде пайдаланыңыз. Негіздің негізгі бөлігіндегі ламельдер арасындағы қашықтық 3,5 см-ден аспауы тиіс. Ені 120 см-ден асатын матрасқа қосымша бесінші аяғы бар негізді пайдаланған жөн. Матрасты панцирлі торы бар кереуетте, диванда немесе гамак әсерін тудыратын өзге беттерде пайдалануға тыйым салынады.

1.10. Матрасты серпімді ламельдері бар ортопедиялық негізде пайдаланғанда матрастың қаттылығы өзгереді – ламельдердің серпімділігі есебінен матрас мәлімделгеннен сәл жұмсағырақ болады.

1.11. Матрастың құрамында адамға және қоршаған ортаға қауіпті заттар жоқ, қызмет мерзімі аяқталған соң ол тұрмыстық қалдық ретінде кәдеге жаратылуы мүмкін

1.12. Трансформацияланатын негіздер үшін тек трансформацияланатын негіздерге арналған матрастарды таңдаңыз.

1.13. Кереует өлшемінің матрас өлшемдеріне сәйкес келуі маңызды. Егер матрасыңыз кішірек немесе үлкенірек болса, матрас деформацияланады және өз функцияларын сапалы орындай алмайды.

1.14. Тек латекс немесе пенополиуретан негізіндегі серіппесіз матрастарды орауға және бүгуге болады. Серіппелі матрасты, оның ішінде вакуумдық орамнан кейінгі серіппелі матрасты қайта орауға, бүгуге болмайды. Бұл матрастың төсеніш қабаттары мен серіппе блоктарының зақымдануына әкеледі.

1.15. Матрасқа түсетін жүктемені біркелкі бөлу қажет. Матрастың астыңғы және үстіңгі жағын ауыстыра отырып, оны жарты жылда бір рет аударыңыз, ал 1-3 айда бір рет бас пен аяқ жағын ауыстырыңыз. Бұл төсеніштің жұмсақ қабаттары бастапқы тұтынушылық қасиеттерін қалпына келтіруі үшін қажет, себебі пайдалану барысында олар тығыздалып, соның салдарынан шамалы шөгу орын алады. Бұл жайлы төсеніш қабаттары ретінде қолданылатын материалдардың қасиеттеріне байланысты және өндірушіге тәуелді емес объективті фактор болып табылады.

1.16. Матраста шөгу пайда болған жағдайда, ең алдымен негізде деформация мен ойықтардың жоқтығына назар аудару қажет. Екіншіден, матрасты екінші жағына аударып, жоғарыда баяндалған ұсынымдарға сәйкес оны кемінде 60 күн дұрыс пайдалануды жалғастыру керек.

1.17. Матраста секіруге, матрастың үстімен жүруге және оны күрт механикалық әсерге ұшыратуға тыйым салынады.

1.18. Салмақтың осы модельге ұсынылған мәндерге сәйкестігін тексеріңіз. Егер салмақ көрсетілген шектеулерден асатын болса, матрастың қызмет мерзімі айтарлықтай қысқарады.