Матрасты тиімді тазалау жолдары

Тіпті Алматыдағы матрас дүкенінен сатып алынған ең жақсы әрі сапалы модельдің өзі сегізден он жылға дейін қызмет етеді. Ұйықтайтын орынды тазаламаса, оның қызмет мерзімі бірнеше есе қысқарады. Матрасты үй жағдайында қалай тез тазалап, кез келген иіс пен дақтан құтылуға болатынын айтып береміз.

Төсекті материалына қарамастан жылына екі рет тазалау қажет. Мұқият тазалау (күнге кептірумен қоса) 24 сағатқа дейін уақыт алады. Алматыда сатып алынған ортопедиялық матрасыңызды (модельдің маңызы жоқ болса да) толығымен жалаңаштап, ақжаймаларды жуыңыз. Бұған наматрасник пен барлық қап кіреді.

Шаңсорғышқа жиһаз қаптамасына арналған саптаманы кигізіп, тиісті тазалау режиміне ауыстырыңыз да, матрастың үстіңгі және бүйір жақтарын сорғызыңыз. Бұл кез келген шаң кенесінен құтылуға көмектеседі. Кілемде қолданылатын кәдімгі турбосаптама матрасты тез тазалауға тиімді емес, өйткені оны зақымдауы мүмкін.

Сілекей мен тер – дақтардың басты кінәлілері. Ферментті тазартқыш құралдар сияқты лайықты дақ кетіргішпен тазалауға болады, бірақ бөтелкенің сырт жағын тексеріп, таңдалған өнімнің төсекте қолдануға жарамды екеніне көз жеткізіңіз. Бір кесе суға аздаған жұмсақ ыдыс жуу құралын қосса, матрасты тиімді тазалау мәселесін шешуге көмектеседі.

Оның құрғақ күйінде қалғаны маңызды, әсіресе матрас пеноматериалдан тұрса. Тазартқыш құралды дақтың үстіне тікелей шашыңыз немесе жағыңыз да, ақырын басып сүртіңіз. Материалға басып ысқыламаңыз және ылғалдың сіңіп қалуына жол бермеңіз. Дақ кеткенше қадамды қайталай беріңіз.

Кәдімгі құралдар ақауды кетірмесе, ас содасын суық сумен паста болғанша араластырып, зақымдалған жерге жағыңыз да, 30 минутқа қалдырыңыз. Дымқыл шүберекпен сүртіп алыңыз, қажет болса қайталаңыз.

Дезинфекция рәсімін жүргізуді ұмытпаңыз. Бұл кез келген иістен арылуға көмектеседі. Алдымен матрасты далаға, тік күн сәулесінің астына шығарып көріңіз немесе жарық түсетін үлкен терезенің жанына қойыңыз. Бұл міндетті емес, бірақ ультракүлгін сәулелер материалды дезинфекциялайды.

Бетіне ас содасын молынан себіңіз де, біраз уақытқа қалдырыңыз (ең жақсы нәтиже үшін 24 сағатқа қалдырған дұрыс). Күн бата бастасымен матрасты үйге кіргізуді ұмытпаңыз.

Матрасты тазалаудың негізгі қадамдары жасалғанымен, сода қалдықтарын сорып алу үшін оны тағы бір рет шаңсорғышпен тазалап, содан соң үстіне жаңа жуылған наматрасник пен ақжайма салыңыз.