Ортопедиялық матрас неден тұрады

Ортопедиялық матрас деп адам ұйықтап жатқанда омыртқаның дұрыс анатомиялық қалпын сақтауға көмектесетін матрасты айтады. Дұрыс физиологиялық қалып бойды жазып демалуға мүмкіндік береді, омыртқа бағанасы мен барлық ағзалардың қоректенуін жақсартады, толыққанды тынығуды қамтамасыз етеді. Мұндай бұйымды сатып аларда әркім ортопедиялық матрастың құрамы қандай екенін білгісі келеді.

Матрастардың құрылысы мен материалдар құрамы

Конструкциясы жағынан ортопедиялық матрастар қабатты құрылымнан тұрады: негіз, оқшаулағыш және жұмсақ қабат, тыс. Қабаттардың әртүрлі нұсқалары қаттылықты айқындайды. Орташа қаттылықтағы ортопедиялық матрастар оңтайлы саналады. Негізге тоқталайық. Өнім екі түрлі болады: серіппелі және серіппесіз. Блок жүйелері тәуелді және тәуелсіз болып бөлінеді.

Ең танымалдары:

• Боннель серіппелі блогы — арзан құрылғы, бұл — артықшылығы; кемшілігі — серіппелердің қатты байланысып тұруы, бұл ортопедиялық қасиеттерге кедергі жасайды;
• тәуелсіз серіппелі блок — арнайы қаптардағы бөшке тәрізді серіппелерден тұрады, олар нүктелік жүктемені басқа құрамдастарды қозғамай қабылдайды;
• серіппесіз құрылғының құрамына түрлі материалдар кіреді — латекс, спанбонд, кокос койрасы; олардың кезектесуі қажетті қаттылықты қамтамасыз етеді.

Орташа қаттылықтағы серіппесіз ортопедиялық матраста латекс пен кокос койрасы тең мөлшерде үйлеседі. Қосымша толтырғыштар да маңызды рөл атқарады. Олар табиғи және жасанды талшықтардан тұрады. Табиғилары — буланған кокос жаңғағының талшықтары, гевея ағашының шырынынан алынатын латекс, зығыр мен джуттан жасалған киіз, мақта матасы, қой жүні. Жасанды материалдарға пенополиуретан (поролон), холлофайбер, струттофайбер жатады.

Қаттылық деңгейі бойынша матрастардың сипаттамалары

Өндірушілер барлық ортопедиялық матрасты үш түрге бөледі:

1. Жоғары қаттылықтағы модельдер: латекс, койра, тығыз поролон қабаттары бар серіппесіз матрастар, салмағы ауыр адамдарға сай келеді. Жүктеме түскенде деформация болмаса, бұйым қатты саналады (моноблоктар немесе аралас түрлер).
2. Орташа қаттылықтағылар: кең таралған әрі әмбебап. Орташа қаттылықтағы ортопедиялық матрастың құрамы алуан түрлі: серіппелі негіздер (тәуелді және тәуелсіз), серіппесіз нұсқалар, теңіз шөбі, жылқы қылы, жүн, мақта түріндегі толтырғыштар, есте сақтау эффектісі бар материал.
3. Жұмсақ модификациялар — икемді, денеге қарсылығы аздау, материалдары серпімді, дене салмағына бейімделіп, пішінін тез қалпына келтіреді.

Матрас таңдағанда тысының да маңызы бар. Ол табиғи және синтетикалық талшықтар негізінде жасалады. Жаккард, трикотаж, тоқыма маталардан жасалған тыстар кең тараған.