Ойылымға қарсы матрасты пайдалану: негізгі ережелер

Ойылымға қарсы матрастар – денсаулығына байланысты дене белсенділігіне мүмкіндігі жоқ адамдар үшін бірден-бір құтқарушы құрал. Оларды пайдаланудың өзіндік ерекшеліктері бар, бұйымға зиян келтірмеу үшін солармен танысып алған маңызды.

Төсекке орналастыру бойынша ұсыныстар

Жинақта компрессорға қосуға арналған арнайы шлангілер беріледі. Оларды жалғап, аппараттың өзін кез келген ыңғайлы жерге (науқас жатқан төсектің жанына) орналастыру қажет.

Ойылымға қарсы матрас науқастың төсегіне бұрын төселген қарапайым матрастың үстіне орналастырылады. Егер механизмде үрлеу жүйесі болмаса, оның үсті ақжаймамен немесе арнайы сіңіргіш жаялықпен жабылады.

Бұйымның орналасуы оның жұмысында маңызды рөл атқарады. Жалғағыш түтіктер төсектің төменгі бөлігінен шығып кетпеуі үшін ауа ұяшықтары үстіңгі жағында болуы тиіс. Қосу кезінде барлық бөлшектің бүтіндігін тексеріп, шатасқандарын жазып, орнату барысында матрастың астында қалып қойса, шығарып алған маңызды.

Төсекке науқас жатқызылмас бұрын құрылғының дұрыс жұмыс істейтініне көз жеткізу үшін оны алдын ала сынап көруге уақыт бөліңіз. Жүйенің дұрыс жұмысының кепілі – ауа камераларындағы ауаны алмастырып тұратын компрессордың тұрақты әрі үздіксіз жұмысы.

Қысымды бақылау

Ойылымға қарсы терапия барлық ұяшықтағы қысым дұрыс болғанда ғана тиімді болады. Бұл көрсеткішке науқастың өз салмағы әсер етеді – салмағы аз болса, жүйенің дұрыс жұмысы үшін көп күш қажет болмайды.

Мұндай бұйым науқастың жағдайын қолдауға жеткілікті серпімді, сонымен қатар шектен тыс қысымды болдырмайтындай жұмсақ болады.

Ағымдағы деңгейді тексеру үшін қарапайым матрас пен ойылымға қарсы матрастың арасына бірнеше саусақ салып көрсе жеткілікті. Жүйе дұрыс жұмыс істеп тұрса, саусақтар еркін сыюы керек. Ондай болмаса, механизмнің жұмысын реттеу қажет.

Дезинфекция жүргізу

Мұндай бұйымды тазаламас бұрын оны толық үрлеп алу қажет. Тазалау үшін жұмсақ шүберек пен сабынды су қолданылады. Құрамында спирт пен бояғыш бар заттарды қолдануға мүлдем болмайды. Кептіру кезінде бетіне күн сәулесі түсіп тұруы керек.

Біздің интернет-дүкеннен ортопедиялық әсері бар сапалы матрас сатып алуға және жайлы ұйқыға арналған басқа да көптеген бұйымға тапсырыс беруге болады.